ÞJÓNUSTA
Brunavarnir krefjast nákvæmni og sérfræðiþekkingar. Hjá Volt starfa reyndir fagmenn sem sérhæfa sig í tæknilegum útfærslum, forritun og hönnun brunakerfa. Við bjóðum upp á heildstæða þjónustu sem tryggir rekstraröryggi þitt og verndar verðmæti.
Forritun á kerfum
Við tökum að okkur forritun á þeim búnaði sem við seljum og þjónustum. Við búum yfir þekkingu til að forrita allt frá minni kerfum upp í stærri og flóknari brunakerfi í byggingum þar sem sérhæfð brunahönnun liggur til grundvallar. Forritunin felur meðal annars í sér uppsetningu á orsaka- og afleiðingastýringum (Cause & Effect), stýringum fyrir reyklosun, loftræstingu, hurðahald og aðrar tengingar við tæknikerfi bygginga með I/O stýringum. Rétt forritun er lykilatriði til að tryggja að kerfið bregðist rétt við mismunandi aðstæðum og að virkni þess sé í samræmi við brunahönnun og kröfur um öryggi. Við framkvæmum einnig prófanir og gangsetningu kerfa á staðnum til að staðfesta að allar stýringar og tengingar virki rétt. Markmiðið er að tryggja áreiðanlegan rekstur og lágmarka hættu á falsboðum.
Bilanir og viðbætur
Við bjóðum skjót viðbrögð við bilunum í brunaviðvörunarkerfum til að tryggja rekstraröryggi og lágmarka niðritíma kerfisins. Viðbragðstími fer eftir alvarleika bilunar en við mætum samdægurs þegar um alvarlegar bilanir er að ræða. Við þjónustum flest brunaviðvörunarkerfi sem eru í notkun á Íslandi í dag og leggjum áherslu á faglega og skilvirka þjónustu. Einnig aðstoðum við þegar breytingar verða á húsnæði eða skipulagi rýma. Þá leggjum við við nýjum skynjurum, færum búnað ef það hentar betur og forritum nýjan búnað inn í kerfið. Samhliða því uppfærum við yfirlitsmyndir og teikningar þannig að kerfið endurspegli ávallt raunverulegt skipulag húsnæðis. Við skoðum einnig tengingar brunakerfa við önnur öryggis- og tæknikerfi bygginga, svo sem stýringar á reyklokum í loftræstikerfum, reyklúgum, neyðarlýsingu og sjálfvirkum hurðaopnunum. Við sjáum um uppsetningu, forritun, prófanir og gangsetningu nýs búnaðar og tryggjum að virkni og vottun kerfisins
Árlegar skoðanir
Við framkvæmum lögboðnar árlegar skoðanir á brunaviðvörunarkerfum og neyðarlýsingu. Markmiðið er að tryggja að búnaðurinn virki rétt og uppfylli kröfur eftirlitsaðila. Í skoðuninni prófum við virkni skynjara, hljóðgjafa og rafhlöðubúnaðar til að tryggja að kerfið virki í rafmagnsleysi. Að skoðun lokinni skráum við niðurstöður í gæðagátt og skilum formlegri skýrslu til húseiganda og Húsnæðis- og mannvirkjastofnunar (HMS), sem staðfestir að öryggismál hússins séu í góðu horfi.
Hönnun brunakerfa
Við bjóðum upp á faglega hönnun á brunaviðvörunarkerfum. Við aðstoðum við val á réttum lausnum og staðsetningu búnaðar til að tryggja hámarksöryggi í samræmi við staðla. Með því að koma að verkinu á hönnunarstigi getum við tryggt hagkvæmustu lausnirnar og komið í veg fyrir dýrar breytingar síðar meir. Við vinnum náið með verkfræðingum og brunahönnuðum til að velja búnað sem uppfyllir kröfur ÍST EN 54 staðla og hentar fagurfræði og notkun húsnæðisins.
Teiknivinna
Við sjáum um gerð nauðsynlegra teikninga fyrir brunavarnir. Þetta innifelur yfirlitsmyndir fyrir brunastjórnstöðvar og flóttamyndir sem sýna flóttaleiðir og staðsetningu slökkvibúnaðar. Skýrar og réttar teikningar eru lífsnauðsynlegar fyrir slökkvilið svo það geti áttað sig strax á staðsetningu elds þegar komið er á vettvang. Við uppfærum einnig eldri teikningar þegar breytingar eru gerðar á húsnæði, þannig að teikningarnar endurspegli ávallt raunverulegt ástand hússins í samræmi við reglugerðir.
Hafa samband
- Búnaður
- Ráðgjöf
- Þjónusta